الرئيسية » أخبار وبرلمان » السيسى : حقوقنا المائية لن يتم التفريط فيها .. ويكشف سبب زيارات مسؤولين دوليين بشأن مفاوضات السد الإثيوبى

السيسى : حقوقنا المائية لن يتم التفريط فيها .. ويكشف سبب زيارات مسؤولين دوليين بشأن مفاوضات السد الإثيوبى

كتب – محمد عطا 

خلال افتتاح عدد من المشروعات القومية التابعة لهيئة قناة السويس في مدينة الإسماعيلية، حرص الرئيس عبدالفتاح السيسي، على طمأنة المواطنين بشأن مفاوضات السد الإثيوبي.

وقال السيسي، قبل قليل: «موضوع السد الإثيوبي والتفاوض بشأنه قالقلكم يا مصريين، وقالقاني أنا كمان، واتكلمت فيه قبل كده، كل اللي هقول لكم حاجة واحدة بس، انتوا من فضلكم اقلقوا دة طبيعي لأن دي حياة، لكن لازم تكونوا متأكدين إن مسار التفاوض محتاج صبر وتأني متستعجلوش النتائج، ولازم تكونوا متأكدين إن حقوقنا لن يتم التفريط فيها».

وطمأن الرئيس السيسي، المصريين، بشأن حقوقهم المشروعة والتاريخية في مياه النيل، قائلا: «ثقوا في الله سبحانه وتعالى وفي بلدكم وفي قدراتها، إن الحفاظ على حقوق مصر المائية أمر زي ما قولت قبل كده مش ممكن حد هيتجاوزه، بس مستعجلوش، كل الأمور ليها ترتيبها وتدبيرها، والتفاوض عملية شاقة وصعبة وإحنا بنضغط».

وتابع: «وزي ما شوفتوا يمكن خلال الأسبوع أو العشر أيام اللي فاتوا استقبلنا مبعوث أمريكي للقرن الأفريقي واستقبلنا الرئيس الكونغولي رئيس الاتحاد الأفريقي عشان نتكلم في الموضوع والجهد والحركة ماشية، إن احنا نصل لحل هذه المسألة اللي بنعتبرها من المسائل الحساسة جدا والمهمة».

x

‎قد يُعجبك أيضاً

كوبا أمريكا.. التعادل الإيجابي يحسم لقاء الأرجنتين وتشيلي

كتب- محمد نصر انتهت مباراة منتخبي الأرجنتين وتشيلي، بالتعادل الإيجابي بهدف لكل فريق، ضمن منافسات ...