السياسي الحقيقة شعارنا..والمصداقية طريقنا
كتبت- مرام سلطان
أغلب الأمهات يعانون من وجبات الأطفال من بداية الـ٦شهور، حيث تبدأ الأم التفكير والبحث عن أفضل وجبات غذائية لطفلها علشان تقوى مناعتة وجسمة وزى ماتعودنا من أمهاتنا وأجدادنا إن العقل السليم في الجسم السليم، وعشان كده هنقول النهاردة وجبة صحية ومتكاملة للأطفال من بداية الـ٦شهور..
وجبة الكوسة والرز بالفراخ أو اللحمة المفرومة بداية من إتمام ال٦شهور. والوجبة دى مفيدة جداً وحلوة للإمساك إلي ساعات بيصاحب بعض الأطفال.
الرز و الكوسة و الفراخ أو اللحمة المفرومة
كله مسلوق بردو
كل حاجة تتسلق لوحدها.
واهرسى كويس جداً جداً بلاش ضرب عشان هتتعذبى لما تيجى تخشنى الأكل و احتمال يرفض
الفراخ ممكن تضرب او تتقطع قطع صغيرة اوى
من اتمام ٨ ممكن نضيف بصل و طماطم
أى نوع أكل جديد بيتجرب لمدة ٣ أيام متواصل عشان لو ظهر تحسس من نوع معين تعرفيه
طبعاً قبل سنة ممنوع إضافة ملح أو فلفل .
ومننساش الطفل يشرب ميه طالما ابتدى الأكل.
وبالهنا والشفا.