السياسي الحقيقة شعارنا..والمصداقية طريقنا
مات رجلا من اعظم الرجال وصديق من اعز الاصدقاء واطيبهم وصحفي من أنبل واشطر الصحفيين والنقاد الرياضيين ..الناقد الرياضي محمود رياض رئيس قسم الرياضة بجريدة الخميس في ذمة الله بعد إصابته بفيروس كورونا اللعين
مش مصدق ولا متخيل ومش عارف اكتب اقول ايه في نعيك ياغالي ..والله من اول ماعرفت الخبر ومصدوم مش مصدق اني خلاص مش هشوفك ولا هكلمك تاني ..كنا هنتقابل قبل رمضان بايام لكن محصلش نصيب ..لكن اكيد هنتقابل في مكان احسن من هنا في دار الحق
تعبت كتير وعانيت كتير في حياتك عمرك ما اشتكيت لحد غير ربك وكنت راضي بقضائه وقدره بنفس راضية مطمئنة يمكن مختش حقك في الدنيا لكن انت اليوم عند رب العالمين نحتسبك عند الله من الشهداء مع الانبياء والصديقين والصالحين وهتاخد حقك ياحبيبي ..ربنا ريحك ياحبيبي من الهم والحزن واسترد امانته في ايام مباركة وعيالك ربنا يشفيهم ويعافيهم في عينينا هيطلعوا زي ما كنت بتحلم ياأبا الحسن
كنت ومازالت من اعز الاصدقاء واقربهم لقلبي محدش هياخد مكانتك وانت عارف كده كويس ..يمكن معرفتش ازوك ولا اودعك في دار الباطل لكن اللي مصبرني انك في مكان احسن من عندنا وهنلتقي هناك باذن الله
اشهد امام الله انك كنت صاحب خلق عمرك ما عاديت حد ولا زعلت حد منك وكنت شايل حمول كتير لا تحتملها الجبال وراضي بقضاء وقدره والاهمال اللي حصلك انت عبرت عته في اخر بوست كتبته علي صفحته ..حسبنا الله ونعم الوكيل
اللهم ارحم عبدك محمود رياض وادخله فسيح جناتك وثبته عند السؤال وارزقه الفردوس الاعلي من الجنة نحتسبه عندك يارب من الشهداء ..ربنا يجعل مرضك في ميزان حسناتك ياأبا الحسن انتم السابقون ونحن اللاحقون انا الي ربنا راجعون
وداعا ياصديقي وقريبا نلتقي
بقلم : محمد حنفى الطهطاوى